|
| Turi ba nde?
|
|
|
|
TUMENYE " URUNANA RW'ABAHARANIRA UBUMWE NA
DEMOKARASI (RUD-URUNANA ) |
|
|
1. RUD-Urunana ni ba nde ? |
1.1. Urunana rw'Abaharanira Ubumwe na Demokarasi ni Abanyarwanda bashyize
hamwe ngo bibohoze kandi babohore igihugu cyafashweho umunyago n'ingoma
y'igitugu ya FPR-Inkotanyi.
1.2. Gufatana urunana kw'Abaharanira
Ubumwe na Demokarasi, ni uburyo bwo kwihutisha urugamba rushingiye ku
bwizerane, ubufatanye ubwitange no kutireba.1.3. Urunana rugizwe n'Abanyarwanda
barwanya ingoma y'igitugu yigabije u Rwanda n'ubutegetsi bushingiye ku
mbunda, kandi bagamije kugira icyo bakora cyagirira Abanyarwanda bose
akamaro.
1.4. RUD-Urunana ni urumuri rumurikira
Abanyarwanda bose ntakuvangura, kugira ngo bashobore kwivana mu
icuraburindi binjira ahabona habaha amizero mashya y'ejo hazaza mu mahoro
n'iterambere kuri buri wese. |
|
|
|
2. RUD-Urunana igamije iki? |
2.1. Kubohora igihugu n'Abanyarwanda bakava mu nzara z'ingoma y'igitugu ya
FPR-Inkotanyi ikoresha ingufu za gisirikare mu gusubiza ibibazo byose
ibazwa n'abaturage.
2.2. Guharanira ko uburenganzira
bw'ikiremwa muntu bwubahirizwa no gusubizwa uburenganzira bw'umutungo kuri
buri wese.
2.3. Kugeza u Rwanda ku buyobozi bushingiye ku mahame remezo y'igihugu
kigendera ku mategeko, ku butegetsi bwa demokarasi yumvikanweho kandi
busaranganijwe no gukomera ku mahame ya Repubulika.
2.4. Gusubiza agaciro imigenzereze myiza ya kamere muntu ariyo: kubaha
ubuzima n'icyubahiro cya muntu, ukuri, ubupfura, ubwigenge, ubutwari,
uburinganire, ubutabera, ukwishyira ukizana kwa buri muntu, gukunda no
kubaha mugenzi wawe, kudahemuka, ubwihanganirane, guturana mu mahoro,
ubwizerane n'ubufatanye bw'Abanyarwanda.
2.5. Guha Abanyarwanda amahirwe yo kwiyunga hagati yabo no gusabana mu
mahoro mu Rwanda no mu karere.
2.6 .Kurandura politiki ishingiye ku ironda bwoko, ironda karere, ironda
akazu n'ibindi byose bijyanye n'ivangura iryo ari ryo ryose.
2.7. Gusubiza u Rwanda n'abarutuye isura nziza mu ruhame rw'amahanga.
2.8. Guteza imbere imibanire n'amahanga ishingiye ku nyungu n'ubwubahane
impande zombi, na politiki y'imituranire myiza n'ibihugu duhana imbibi. |
|
|
|
3. Ingufu z'Urunana zishingiye kuki? |
3.1. Abaturage nibo shingiro ry'Urunana kuko aribo bavamo izindi ngufu
zaba iza politiki cyangwa iza gisilikare.
3.2. RUD-Urunana ifite ingufu za gisilikare zishingiye ku Banyarwanda
b'ingeri zose cyane urubyiruko, biyemeje kubohoza u Rwanda no kurengera
Abanyarwanda bose ntakuvangura bugarijwe n'ingabo z'ubutegetsi bw'igitugu
bwa FPR. Izo ngufu za gisilikare zibumbiye muri " Armée Nationale-Imboneza
".
3.3. Muri RUD-Urunana, ingufu za politiki zishingiye ku mpamvu zumvikana
zo kubohoza u Rwanda. Izo ngufu zishyiraho kandi zikemeza imigambi ya
politiki, zumvikanisha amahame remezo n'ibibazo byugarije u Rwanda. |
|
|
|
4. Urunana rusaba iki Abanyarwanda? |
4.1. Gukomera k'ubumwe no kwima amatwi inyigisho zibacamo ibice zitangwa
n'ubutegetsi bwa FPR-Inkotanyi.
4.2. Gutsimbarara ku kuri no kwamagana ikinyoma aho cyava hose
n'uwakitwaza wese muri politiki ihungabanya ubumwe bw'Abanyarwanda.
4.3. Kwishakira ingamba z'imibereho zishingiye ku bwisungane hagati yabo
nta gukerezwa n'abari muli Leta bahugiye mu nyungu zabo bwite.
4.4. Gushyigikira no gutera inkunga igikorwa rusange biyemeje cyo kubohora
u Rwanda mu bwitange bukomeye.
4.5. Kuba menge, kurangwa n'ibanga no gukomeza gukurikiranira hafi amayeri
y'ubutegetsi bwa FPR-Inkotanyi.
4.6. Kudacika intege mu kugaruza biciye munzira z'ubutabera nyakuli
umutungo wabo ukiri mu maboko ya bamwe bo muli FPR-Inkotanyi bawigabije
kuva muri 1994.
4.7.Gukomeza kugemurira no guhumuriza inzirakarengane ubutegetsi bwa FPR
buhejeje mu munyururu kubera kwanga kwiyemeza icyaha cy'ubwicanyi batakoze.
4.8. Kwitwararika ikinamico ry'ubutabera mu nkiko Gacaca ngo zitaba imvano
y'akandi karengane, no kugendera kure inyigisho za Leta zibahatira gutanga
ubuhamyakinyoma muri TPIR no mu zindi nkiko.
4.9. Kutipfumbata ngo barebere isenywa ry'igihugu cyabo n'irimburwa ryabo.
4.10 .Kwitanga ngo bivane mu bucakara bw' abicanyi, abanyabinyoma
n'abajura
bagize akazu ka FPR-Inkotanyi. |
|
|
|
5. URUNANA rusaba iki Leta ya Kigali? |
5.1. Guhagarika politiki y'iterabwoba n'igitugu ikorerwa abaturage.
5.2. Kudakomeza kugwatiriza ubusugire bw'igihugu n'isura yacyo ikomeza
kugaba ibitero ku baturanyi, no kwihutira gucyura ingabo za FPR-Inkotanyi
ziri ku butaka bwa Kongo nta mananiza.
5.3. Kwihutira kuvana ingabo mu baturage zigasubizwa mu bigo bya
gisirikare.
5.4. Korohereza TPIR mu gufata abayobozi ba FPR bari mu butegetsi, bakajya
kwisobanura ku byaha by'itsembabwoko n'ibyibasiye inyoko muntu bashinjwa.
5.6. Kubungabunga umutekano kuri bose nta kuvangura.
5.7. Gucunga neza ibya rubanda no kugeza mu butabera abayobozi bose
banyereje umutungo w'igihugu.
5.8 Kutaburizamo inyungu za rubanda muri politiki yo kwisumbukuruza mu
mibanire isuzugura ibihugu by'amahanga.
5.9 Gufungura imfungwa za politiki n'izindi zitagira amadosiye zose nta
mananiza.
5.10 Kureka amashyaka atavuga rumwe na FPR-Inkotanyi agakorera mu
bwisanzure mu gihugu.
5.11 Kureka itangazamakuru n'imiryango iharanira uburenganzira bw'ikiremwa
muntu bigakora mu bwisanzure.
5.12 Kwemera ibiganiro bya politiki n'abatavuga rumwe nayo mu rwego rwa "Dialogue
Inter-rwandais", kugira ngo igihugu gihabwe inzego z'ubutegetsi bwemewe
kandi buhuriwemo na bose. |
|
|
|
6. RUD-Urunana isaba iki amahanga? |
6.1. Guhatira Leta ya Kigali kuyoboka inzira y'ibiganiro bya politiki
hamwe n'abatavuga rumwe nabo hamwe n'abayirwanya, kuberako ariyo yonyine
izageza Abanyarwanda ku mahoro, ubutabera n'ubwiyunge nyakuri.
6.2. Guha akato ubutegetsi bw'igitugu bwa FPR-Inkotanyi no guhagarika
imfashanyo yose buhabwa.
6.3. Guhatira Leta ya Kigali n'urukiko rwa Arusha gufata no gucira imanza
abayobozi bo muri FPR-Inkotanyi.
6.4. Gukomeza kwishingira impunzi z'Abanyarwanda mu bihugu byazakiriye mu
gihe iwabo hakiri ibibazo bya politiki bihahungabanya umutekano.
6.5. Kumva no kumvisha Leta y'u Rwanda ko ikibazo cy'Abanyarwanda ari icya
politiki bityo kikaba gisaba umuti wo mu rwego rwa politiki.
6.6. Gukora iperereza ryigenga ku ihanurwa ry'indege yari itwaye ba
Perezida Habyarimana na Ntaryamira kuwa 6 Mata 1994 kuko ari ryo mbarutso
y'akaga kagwiriye u Rwanda. |
|
|
|
DUFATANE URUNANA TURUBOHOZE |
|
|
